ByPol: Супраць Статкевіча ўзбудзяць новую крымінальную справу
9 студзеня, Позірк. Палітвязень Мікалай Статкевіч, які адбывае пакаранне ў папраўчай калоніі №13 (Глыбокае, Віцебская вобласць), змешчаны ў памяшканне камернага тыпу (ПКТ), паведамляе аб’яднанне былых сілавікоў ByPol.
Адзначаецца, што адміністрацыяй калоніі Статкевіч “летась неаднаразова падвяргаўся дысцыплінарным спагнанням, акрамя таго на яго сабраны матэрыял для распачынання крымінальнай справы паводле арт. 411 КК Беларусі (злоснае непадпарадкаванне патрабаванням адміністрацыі папраўчай установы, якая выконвае пакаранне ў выглядзе пазбаўлення волі)”.
“Варта адзначыць, што, прызначаючы пакаранне па сукупнасці прысудаў з улікам арт. 411 КК, суды да папярэдняга тэрміну пакарання дадаюць, як мінімум, 6 месяцаў пазбаўлення волі”, — гаворыцца ў паведамленні ByPol.
Старшыня Беларускай сацыял-дэмакратычнай партыі “Народная Грамада” (не зарэгістраваная) Статкевіч быў затрыманы 31 траўня 2020 года ў Мінску. 14 снежня 2021-га суд прысудзіў яго да 14 гадоў пазбаўлення волі ва ўмовах асаблівага рэжыму паводле ч. 1 арт. 293 КК (арганізацыя масавых беспарадкаў).
31 мая 2022 года Вярхоўны суд пакінуў прысуд без зменаў. 20 чэрвеня таго ж года Статкевіч быў пераведзены з Гомельскага следчага ізалятара № 3 у папраўчую калонію №13, адміністрацыя якой паставіла яго на ўлік як “схільнага да экстрэмізму”, у жніўні змясціла на паўгода ў адзіночную камеру, у верасні — у штрафны ізалятар.
4 лістапада Міністэрства ўнутраных спраў унесла палітвязня ў “пералік асоб, якія маюць дачыненне да экстрэмісцкай дзейнасці”.
28 ліпеня крыніца, блізкая да сям’і Статкевіча, паведаміла “Позірку”, што стан ягонага здароўя ў калоніі пагоршыўся.
9 студзеня жонка палітыка Марына Адамовіч напісала ў “Фэйсбуку”, што цягам 11 месяцаў не атрымлівала ніякай інфармацыі пра яго.
- Палітыка, ЭканомікаРаманчук: Дзіўна казаць пра дасягненні беларускай улады на фоне мільённых страт насельніцтваМатэрыял даступны толькі падпісчыкам ПОЗІРК+
- ПалітыкаСяргеенка: Кантакты з еўрапейскім рэгіёнам замарожаныя, але намеціліся станоўчыя тэндэнцыіМатэрыял даступны толькі падпісчыкам ПОЗІРК+
- ПалітыкаУ ДТСААФ будуць рыхтаваць аператараў дронаў для сілавых структурМатэрыял даступны толькі падпісчыкам ПОЗІРК+
- Грамадства
- Палітыка
- Палітыка
- Палітыка
- Палітыка
- Грамадства
- Грамадства, Палітыка
- Палітыка
- Палітыка
- Палітыка
- Палітыка
- Грамадства
- Палітыка
- Грамадства, Палітыка
- Палітыка
- Палітыка
- Палітыка
- Палітыка
- Палітыка
- Палітыка
- Палітыка
- ПалітыкаХроніка палітычных рэпрэсій за 27 верасня 2024 годаМатэрыял даступны толькі падпісчыкам ПОЗІРК+
- Грамадства, Палітыка
- Эканоміка
- Грамадства, Палітыка
- Грамадства
- Палітыка