Памежны камітэт прадэманстраваў вайсковым аташэ з 21 краіны “сведчанні недружалюбных дзеянняў” Літвы
20 лютага, Позірк. Замежныя ваенныя аташэ з 21 дзяржавы наведалі 20 лютага “аб’екты органаў памежнай службы” на мяжы Беларусі з Літвой, паведаміла прэс-служба Дзяржаўнага памежнага камітэта.
Заяўляецца, што аташэ “прадастаўленая магчымасць асабіста пераканацца ў стане спраў на заходніх рубяжах Беларусі і сфарміраваць аб’ектыўнае меркаванне аб становішчы, якое складваецца”.
“Таксама падчас візіту замежным аташэ прадэманстраваныя сведчанні недружалюбных дзеянняў літоўскага боку, у тым ліку ў дачыненні да ўласных грамадзян, якія наведваюць Рэспубліку Беларусь”, — гаворыцца ў паведамленні.
З “асаблівасцямі службы на ўчастку Смаргонскай пагранічнай групы і Кіналагічнага цэнтра органаў памежслужбы” ДПК азнаёміў прадстаўнікоў ваенных ведамстваў Аўстрыі, Азербайджана, Балгарыі, Венгрыі, В’етнама, Германіі, Егіпта, Замбіі, Італіі, Казахстана, Кітая, Кубы, М’янмы, Пакістана, Расіі, Саудаўскай Аравіі, Сербіі, Сірыі, ЗША, Чэхіі і Швейцарыі.
У жніўні мінулага года Літва закрыла два з шасці пунктаў пропуску — Шумскас і Твярачус.
Камісія па нацыянальнай бяспецы (КНБ) Літвы 6 лютага прапанавала спыніць рух тавараў, транспарту і людзей праз памежныя пункты пропуску Лаварышкес і Райгардас на мяжы з Беларуссю. Рашэнне павінен прыняць урад.
КНБ таксама прапанавала паступова скараціць колькасць дазволаў, якія выдаюцца беларускім і літоўскім перавозчыкам, якія ажыццяўляюць рэгулярныя міжнародныя пасажырскія перавозкі аўтобусамі, а таксама абмежаваць пасадку і высадку пасажыраў на чыгуначным памежным пункце пропуску Кяна.
На беларуска-літоўскай мяжы з 8 лютага не фіксуюцца спробы нелегальных мігрантаў пранікнуць на тэрыторыю ЕС.
З пачатку года краіны Еўрасаюза прадухілілі не менш за 240 спробаў незаконнага перасячэння мяжы з беларускай тэрыторыі (у студзені — 96, з пачатку лютага — 144), Літва спыніла 20 такіх спробаў.
У 2023 годзе было папярэджана 42.078 спробаў незаконнага перасячэння мяжы з боку Беларусі (Польшча — 25.571, Латвія — 13.863, Літва — 2.644), у 2022-м — 31.892 (Польшча — 15.655, Латвія — 5.026, Літва — 11.211). Агульны рост склаў 31,9% (на польскім напрамку — у 1,6 разы, латвійскім — у 2,8 разы; на літоўскім зафіксавана зніжэнне ў 4,2 разы).
Статыстыка, выведзеная “Позіркам“ на падставе штодзённых звестак, сведчыць, што напружанасць на мяжы Беларусі і ЕС вагаецца, да канца 2023 года яна прыкметна знізілася, тэндэнцыя назіраецца і ў пачатку 2024-га.
Міграцыйны крызіс на мяжы Беларусі і краін ЕС пачаўся ўвесну 2021 года.
- Грамадства, Палітыка
- Палітыка
- Палітыка
- Палітыка
- Палітыка
- ГрамадстваУ апошні дзень анамальна цёплага надвор'я ў Беларусі зафіксаваны гістарычны максімум тэмпературыМатэрыял даступны толькі падпісчыкам ПОЗІРК+
- Палітыка
- Грамадства, Палітыка
- Палітыка
- Палітыка
- Палітыка
- Палітыка
- Палітыка
- Палітыка
- Палітыка
- ПалітыкаХроніка палітычных рэпрэсій за 27 верасня 2024 годаМатэрыял даступны толькі падпісчыкам ПОЗІРК+
- Грамадства, Палітыка
- Эканоміка
- Грамадства, Палітыка
- Грамадства
- Палітыка
- Грамадства, Палітыка
- Грамадства, Палітыка
- Палітыка
- Грамадства, ПалітыкаБХК: Улады ўзмацняюць мілітарызацыю ў школахМатэрыял даступны толькі падпісчыкам ПОЗІРК+
- Палітыка
- Палітыка
- Палітыка
- Грамадства