Мастак Кузьміч: Вярнуся ў Францыю і буду пісаць кнігу
Апублікавана на адкрытай версіі “Позірку” 22 жніўня 2024 года ў 08:58
![](https://pozirk.online/wp-content/uploads/2024/02/kuzmich-novy-chas-1128.jpg)
21 жніўня, Позірк. Мастак-акцыяніст Аляксей Кузьміч, які 21 жніўня выйшаў на волю з СІЗА ў прыгарадзе Парыжа, плануе і надалей жыць у Францыі і пісаць кнігу. Пра гэта ён паведаміў “Позірку”.
“Далейшыя планы: мне трэба з’ехаць з Францыі паводле рашэння суда. Але знаходжанне тут мне не забаронена: анулявалі пастанову пракурора, што мне два гады забаронена знаходзіцца ў Францыі і Еўрасаюзе. Бо ў мяне польская віза, мне трэба пакінуць Францыю. Але я магу зрабіць крок у Польшчу і адразу ж зваротны крок у Францыю і буду легальна тут знаходзіцца. Так што праз тыдзень я палячу ў Польшчу, а потым вярнуся назад”, — сказаў Кузьміч.
У Францыі мастак будзе пісаць кнігу пра тое, што з ім здарылася за апошні час.
“Калі я знаходзіўся ў дэпартацыйным цэнтры, я пачаў пісаць дзённік, які ў выніку перарос у кнігу пад працоўнай назвай “У магіле з Ван Гогам”. Гэтая кніга будзе звязаная з маёй апошняй акцыяй “Рэнесанс”. У ёй будуць нейкія адчуванні, успаміны, “бясцэнны” досвед, які я атрымаў у ізалятары, які горшы за турму, са слоў людзей, 90% якіх прыехалі туды з турмы, бо ў іх скончыліся дакументы. І яны кажуць, што ў турме нашмат лепш, а ў гэтым дэпартацыйным цэнтры поўная дзічына: няма чаго рабіць, усё гарлапаняць, як у звярынцы, размаўляць і знайсці сабе ціхі кут нельга”, — заявіў Кузьміч.
Ён падзякаваў журналістам, з дапамогай якіх выйшаў на волю, і адвакатам, якія абаранялі яго ў судзе.
“Мяне ў выніку выцягнулі адвакаты, паслугі якіх трэба аплачваць — было шэсць судоў. У мяне засталіся даўгі, таму цяпер я прашу дапамогі“, — паведаміў мастак.
У СІЗА ў Францыі Кузьміч правёў 20 дзён, два тыдні ён трымаў там галадоўку.
У канцы ліпеня акцыяніст быў затрыманы за перформанс, падчас якога ён раскопваў магілу нідэрландскага мастака Вінсента Ван Гога на муніцыпальных могілках у французскім горадзе Авэр-сюр-Уаз. Паводле рашэння суда Кузьміча адправілі ў СІЗА для замежнікаў на месяц.
2 жніўня суд Пантуаза (прыгарад Парыжа) пастанавіў дэпартаваць Кузьміча ў Беларусь. Таксама яго аштрафавалі на 3 тыс. еўра і прыгаварылі да месяца ўмоўнага зняволення.
7 жніўня суд вынес вердыкт пакінуць Кузьміча ў зняволенні яшчэ на 26 сутак. Мастак заявіў, што яго ўтрыманне пад вартай не абгрунтаванае, што ягоныя правы парушаюцца, і абвясціў (https://pozirk.online/ru/news/99575) галадоўку.
14 жніўня Мелунскі адміністрацыйны суд ануляваў рашэнне аб дэпартацыі Кузьміча ў Беларусь.
У лютым 2024 года ён быў эвакуіраваны з Беларусі фондам салідарнасці BySоl, пасля таго як прыехаў у краіну ў сувязі са смерцю бабулі.
“Органы даведаліся, што я ў Беларусі, і завялі крымінальную справу за мой твор “Транзіт”. Абвясцілі ў вышук. За пару дзён да таго, як прыйшлі дадому са Следчага камітэта, я з’ехаў у вёску. Перад [парламенцкімі] выбарамі сітуацыя абвастрылася. Пайшоў па хатах участковы. Зразумеў, што прыйшоў час. Выехаць з першай спробы не атрымалася. Аказалася, што з Расіі выезд мне таксама забаронены. Але шчыліну я знайшоў. І цалкам легальна зваліў. Ужо ў трэці раз”, — пісаў тады Кузьміч у”Фэйсбуку”.
Мастак наведваў краіну і ў 2023 годзе, а ў кастрычніку таго ж года яго відэафільм “Іншапланецяне ў Беларусі. Транзіт, або Зад назад” прыцягнуў увагу беларускіх сілавікоў.
Аляксей Кузьміч — сын вядомага мастака, таксама Аляксея Кузьміча. Раней ладзіў правакацыйныя перформансы ў Беларусі.
- ЭканомікаУ жніўні продажы "БелДжы" на рынку РФ знізіліся на 7%Матэрыял даступны толькі падпісчыкам ПОЗІРК+
- Эканоміка
Продажы новых грузавікоў МАЗ на рынку Расіі ў жніўні знізіліся на 27%
- Палітыка
Швецыя працягне падтрымліваць беларускія дэмсілы, заяўляе АПК
- Палітыка, Эканоміка
Кіраўнік МЗС звязаў удзел у ініцыятыве "Пояс і шлях" з захаваннем міру ў Беларусі
- Палітыка
Лукашэнка лічыць, што беларусам цяжка зразумець матывы еўрапейскіх эліт
- Эканоміка
Долар і еўра патаннелі на біржавых таргах 12 верасня
- Палітыка
Ваенная акадэмія гатовая пашыраць пералік спецыяльнасцей пад запыты Кітая — Хрэнін
- Грамадства, ПалітыкаЗа траціну верасня Літва спыніла больш спробаў парушэння мяжы з Беларусі, чым за ўвесь жнівеньМатэрыял даступны толькі падпісчыкам ПОЗІРК+
- Грамадства, Палітыка
Лукашэнка сцвярджае, што “не прывык дзяліць людзей паводле нацыянальнасцяў” (дапоўнена)
- Грамадства
На мяжы з Літвой затрымалі дваіх мужчын з беспілотнікамі
- Грамадства, Палітыка
Лукашэнка сцвярджае, што "не прывык дзяліць людзей паводле нацыянальнасцяў"
- ЭканомікаБелстат: За восем месяцаў будаўніча-мантажныя работы падаражэлі на 12%Матэрыял даступны толькі падпісчыкам ПОЗІРК+
- Грамадства
Смяротныя аварыі здарыліся 12 верасня ў Рагачоўскім раёне і Мінску
- Палітыка
Еўрапарламент 18 верасня абмяркуе сітуацыю з беларускімі палітвязнямі
- Грамадства, Палітыка
Сейм Латвіі прыняў папраўкі з забаронай на знаходжанне ў краіне аўто з беларускімі нумарамі
- Палітыка
Праваабаронца Кісляк абскардзіў у грузінскім судзе адмову ў наданні прытулку
- Грамадства
Гарыць лес на тэрыторыі Палескага радыяцыйна-экалагічнага запаведніка
- Палітыка, Эканоміка
Беларусь выкарыстоўвае для перавалкі сваёй прадукцыі 14 расійскіх партоў, аб'ёмы растуць — кіраўнік Мінтранса
- ПалітыкаПраваабаронца Кісляк абскардзіў у грузінскім судзе адмову ў наданні прытулку (падрабязна)Матэрыял даступны толькі падпісчыкам ПОЗІРК+
- Грамадства, ПалітыкаХроніка палітычных рэпрэсій за 11 верасня 2024 годаМатэрыял даступны толькі падпісчыкам ПОЗІРК+
- Палітыка
Новаствораны "Першы інфармацыйны" канал уключаны ў абавязковы ТБ-пакет
- Палітыка, Эканоміка
"Беларуськалій" пяць гадоў пастаўляў тэхнічную соль у "днр" і "лнр" — расследаванне
- Эканоміка
"Расатам" прапануе на разгляд тры пляцоўкі для захоўвання радыеактыўных адкідаў БелАЭС
- Эканоміка
У жніўні больш за ўсё падаражэлі капуста, агуркі, цытрусавыя
- ЭканомікаУ жніўні больш за ўсё падаражэлі капуста, агуркі, цытрусавыя (падрабязна)Матэрыял даступны толькі падпісчыкам ПОЗІРК+
- Палітыка
На вучэннях у Століне МУС адпрацавала гарадскі бой з "дыверсійнымі групамі"
- Палітыка
Маці журналісткі Вольгі Класкоўскай з'ехала з Беларусі
- Палітыка
Апеляцыйны суд Сербіі адправіў на дапрацоўку справу аб экстрадыцыі Андрэя Гнёта
- Грамадства, Эканоміка
Мінпрацы: 81% тых, хто атрымлівае сямейны капітал датэрмінова, выкарыстоўвае яго для паляпшэння жыллёвых умоў
- Палітыка
МУС вучыцца змагацца з "незаконнымі ўзброенымі фарміраваннямі", Кубракоў ускосна аднёс да іх УСУ