Дом Цапкалы прадаюць з аўкцыёну
16 кастрычніка, Позірк. На электронным аўкцыёне “БелЮрЗабеспячэнне” прадаецца дом экс-прэтэндэнта на пасаду прэзідэнта Валерыя Цапкалы, лот размешчаны на пляцоўцы e-auction.by.
На таргі выстаўлены двухпавярховы катэдж плошчай 418,3 м2, размешчаны на вуліцы Цяплічнай у Мінску. Таксама прадаецца ўсё дамавое абсталяванне, прадметы інтэр’еру і зямельны ўчастак плошчай 0,1411 га.
Указана, што ў доме ёсць склеп, тэраса, навес, на тэрыторыі пабудавана альтанка з мангальнай зонай, ёсць гаспадарчая пабудова.
Адзначаецца, што маёмасць арыштаваная, у дачыненні да яе дзейнічае забарона суда на ўчыненне рэгістрацыйных дзеянняў. У доме зарэгістраваныя тры чалавекі, у тым ліку двое непаўналетніх.
Пачатковы кошт маёмасці складае 2.104.000 рублёў, аўкцыён прызначаны на 20 лістапада.
9 красавіка 2024 года з другой спробы на аўкцыёне была прададзеная трохпакаёвая кватэра Цапкала ў Мінску па адрасе вул. Чарнышэўскага, 5 агульнай плошчай 103,7 кв.м. Выніковы кошт нерухомасці склаў 395 тыс.720 рублёў 27 капеек (пачатковы — 286 тыс. 753 рублёў 76 капеек). У таргах удзельнічала тры чалавекі. У жыллі зарэгістраваны адзін чалавек.
Цапкала завочна прыгавораны да 17 гадоў пазбаўлення волі. Рашэнне па выніках закрытага працэсу вынес 7 красавіка 2023 года суддзя Мінскага абласнога суда Сяргей Епіхаў. Пракурор запытваў на два гады больш. Яго прызналі вінаватым паводле дзевяці артыкулаў Крымінальнага кодэкса.
З аўкцыёну прададзена офіснае памяшканне, якое належала Эдуарду Бабарыку
11 кастрычніка, Позірк. Офіснае памяшканне, якое належала палітвязню Эдуарду Бабарыку, прададзена на электронным аўкцыёне. На партале продажу маёмасці "БелЮрЗабеспячэнне" пазначана, што офіс знаходзіцца на вуліцы Шорнай у Мінску, мае плошчу 30,9 м2, размешчаны на першым паверсе. Памяшканне прададзена за 155.445 …