84% украінцаў негатыўна ставяцца да Беларусі, дзве траціны выступаюць за поўны разрыў адносін — даследаванне
25 кастрычніка, Позірк. Пераважная большасць жыхароў Украіны адмоўна ставіцца да Беларусі, сведчаць даныя апытання, праведзенага ў верасні гэтага года Украінскім цэнтрам эканамічных і палітычных даследаванняў імя Аляксандра Разумкова (УЦЭПД).
Аб “цалкам станоўчым” стаўленні да Беларусі заявілі 2,5% апытаных (у аналагічным апытанні ў студзені — 1,4%), аб “пераважна станоўчым” — 6,9% (6,5%), аб “пераважна адмоўным” — 22,6% (21,8%), аб “цалкам негатыўным” — 61,4% (65,6%), не змаглі даць адказ — 6,5% (4,6%).
Такім чынам, сумарна аб адмоўным стаўленні да Беларусі заявілі 84% удзельнікаў даследавання.
“Краінай, якая ваюе супраць Украіны”, Беларусь назвалі 78,1% рэспандэнтаў (у лютым-сакавіку — 80,6%), супрацьлеглае меркаванне выказалі 11,2% (7,5%), не змаглі адказаць 10,7% (11,9%).
Поўны разрыў адносін з Беларуссю “пасля перамогі Украіны і дэакупацыі яе тэрыторыі” (аж да забароны на ўезд у краіну беларусаў) адназначна падтрымалі 43,8% апытаных (у лютым-сакавіку 46,7%), “хутчэй” падтрымалі 24,1% (22,5%), “хутчэй” не падтрымалі 13,3% (11,2%), адназначна не падтрымалі 5,8% (5,4%), не далі адказу 13% (14,3%).
У апытанні ўдзельнічала 2.016 рэспандэнтаў старэйшых за 18 гадоў, хібнасць выбаркі не перавышае 2,3%.
24 лютага 2022 года Расія пачала поўнамаштабную вайсковую агрэсію супраць Украіны, якая была падтрыманая ўладамі ў Мінску. Частка расійскага войска ўварвалася ва Украіну з беларускай тэрыторыі. З пачатку ўварвання, а таксама ў асобныя перыяды пазней, тэрыторыя і інфраструктура Беларусі актыўна выкарыстоўвалася расійскай арміяй для нанясення паветраных удараў па Украіне.
Пры гэтым Аляксандр Лукашэнка апошнім часам усё часцей адыгрывае перад Украінай ролю міратворца. Віншуючы 24 жніўня народ Украіны з Днём незалежнасці, ён пажадаў “мірнага неба і грамадзянскай згоды”, дабрабыту “шчодрай краіне”, “згуртаванасці сем’ям”.
Ён заклікаў “размаўляць на мове міру” і заявіў, што “працягне рабіць усё магчымае для як мага хутчэйшага забеспячэння бяспекі ў рэгіёне”. Раней Лукашэнка неаднаразова заклікаў Кіеў прыняць умовы Крамля, гэта значыць фактычна капітуляваць.
Лукашэнка: Беларусь не давала РФ тэрыторыю для нападу на Украіну, гэта Пуцін завярнуў войскі на Кіеў
24 кастрычніка, Позірк. Беларусь не давала Расіі тэрыторыю для "заходу ва Украіну", заявіў Аляксандр Лукашэнка 23 кастрычніка ў інтэрв'ю BBC. “У нас [у лютым 2022 года] былі вучэнні, на якіх было задзейнічана некалькі тысяч чалавек расійскіх войскаў. Гэтыя войскі былі …