Чыстыя замежныя актывы Нацбанка з пачатку года выраслі на 43,8%
14 снежня, Позірк. Чыстыя замежныя актывы Нацыянальнага банка за лістапад 2024 года выраслі на 881,4 млн рублёў і на 1 снежня склалі 33 млрд 133,1 млн рублёў (+2,7%).
З даных на сайце рэгулятара вынікае, што за 11 месяцаў яны павялічыліся на 43,8% (на 1 студзеня складалі 23 млрд 41,1 мон рублёў).
Згодна з найважнейшымі прагнознымі (дэ-факта планавымі) параметрамі развіцця краіны на 2024 год, міжнародныя рэзервовыя актывы на канец года павінны быць не менш як 6 млрд долараў (20 млрд 853 млн рублёў па актуальным курсе НБРБ).