Курсы долара, еўра і юаня знізіліся на біржавых таргах 10 студзеня
10 студзеня, Позірк. Амерыканская і кітайская валюты патаннелі на таргах Беларускай валютна-фондавай біржы 10 студзеня 2025 года.
Курс долара знізіўся да 3,4796 (-0,0023; -0,07%), юаня — да 4,761 за 10 (-0,0105; -0,22%), еўра — да 3,5953 (-0,016; -0,44%).
Каціроўка расійскага рубля вырасла да 3,4122 за 100 (+0,0013; +0,04%).
На 9,32% (з 3,1775 да 3,4735 рублі) вырас афіцыйны курс долара ў Беларусі ў 2024 годзе. Гэта чацвёрты паказчык на тэрыторыі былога СССР, сведчыць праведзены “Позіркам” параўнальны аналіз каціровак цэнтрабанкаў на 31 снежня 2023 года і 31 снежня 2024-га.
У 2023 годзе ў Беларусі было другое месца паводле росту афіцыйнага курсу долара (+16,12%), у 2022-м — трэцяе (+7,39%), у 2021-м — чацвёртае сярод краін на тэрыторыі былога СССР, дзе долар патаннеў (-1,19%), у 2020-м — першае месца паводле яго падаражэння (+22,59%).
