У Мазыры мінак выратаваў дзіця, якое правалілася пад лёд
Выратаваны хлопчык
20 лютага, Позірк. Пра выратаванне дзіцяці, якое правалілася пад лёд, паведаміла прэс-служба Міністэрства па надзвычайных сітуацыях.
Здарэнне адбылося раніцай 20 лютага на рацэ Прыпяць у Мазыры (Гомельская вобласць).
Двое дзяцей знаходзіліся на набярэжнай у раёне парка культуры і адпачынку “Перамога“ і назіралі за качкамі. Падчас гульні хлопчык паслізнуўся, праваліўся пад лёд і пачаў тануць.
Выпадковы мінак, які знаходзіўся побач, падпоўз да абзы лёду і выцягнуў дзіця на бераг. Хлопчыка шпіталізавалі. Зараз яго здароўю нішто не пагражае.
Беларускае рэспубліканскае таварыства ратавання на водах (АСВОД) нагадвае пра забарону выхаду на лёд таўшчынёй менш за сем сантыметраў. Непаўналетнія могуць знаходзіцца на лёдзе толькі ў суправаджэнні дарослых, усе павінны быць у выратавальных камізэльках.