У “спіс тэрарыстаў” унесеныя экс-старшыня партыі “Зялёныя” Кучук і яшчэ 11 чалавек

18 сакавіка, Позірк. Камітэт дзяржаўнай бяспекі 17 сакавіка ўнёс у спіс “асоб, што маюць дачыненне да тэрарыстычнай дзейнасці”, яшчэ 12 чалавек. Адпаведныя змены адлюстраваныя ў дакуменце, апублікаваным 18 сакавіка ў адмысловым тэлеграм-канале КДБ.

У пералік дададзеныя Людміла Ясімчык, Аляксей Зачапіла, Павел Вабішчэвіч, Андрэй Зіненка, Алена Марозава, Алег Самародскі, Павел Мінчык, Дзмітрый Сідарэнка, Максім Старасценка, Аляксандр Рандарэнка, Мікалай Буневіч, а таксама былы кіраўнік дэ-юрэ ліквідаванай Беларускай партыі “Зялёныя” Дзмітрый Кучук.

У “спісе тэрарыстаў” 1.364 пазіцыі і 1.260 чалавек, з іх грамадзян Беларусі — не менш за 567. Названым “тэрарыстамі” зняволеным забаронена атрымліваць грашовыя пераводы.

(будзе дапоўнена)