Мінск 10:31

Парламенцкія выбары ў Беларусі не былі свабоднымі і сумленнымі — МЗС ФРГ пра анонс сустрэчы ў ПП НС з ультраправым дэпутатам баварскага ландтага

Ілюстрацыйнае фота: unsplash.com

2 красавіка, Позірк. “Федэральны ўрад рашуча асудзіў сістэмныя рэпрэсіі ў Беларусі. Гэта адносіцца таксама да парламенцкіх выбараў у 2024 годзе, якія прайшлі ў атмасферы страху“, — так пракаментавалі “Позірку“ ў знешнепалітычным ведамстве Германіі інфармацыю пра візіт у Мінск дэпутата ландтага зямлі Баварыя ад правапапулісцкай партыі “Альтэрнатыва для Германіі“ Ульрыха Зінгера.

3 красавіка з ім сустрэнуцца дэпутаты Палаты прадстаўнікоў, вынікае з раскладу на сайце ніжняй палаты Нацыянальнага сходу.

“Усім незалежным палітычным партыям, кандыдатам было адмоўлена ў рэгістрацыі для ўдзелу ў гэтым выбарчым працэсе. Акрамя таго, рэжым не запрасіў місію назірання арганізацыі па бяспецы і супрацоўніцтве ў Еўропе (АБСЕ) — насуперак міжнародным абавязацельствам Беларусі“, — адзначылі ў МЗС ФРГ.

“Гэта выразна тлумачыць: працэс, з дапамогай якога была абраная Беларуская Палата прадстаўнікоў, не быў ні свабодным, ні сумленным“, — падкрэсліла замежнапалітычнае ведамства Германіі.

Знешнепалітычнае ведамства прама не асудзіла візіт Зінгера ў Мінск: дэпутаты зямельных парламентаў у палітычным сэнсе нікому не падпарадкоўваюцца і арганізуюць свае паездкі пад уласную адказнасць.

Падрабязнасці даступныя падпісчыкам “Позірк+”

Падзяліцца: