Мінск 13:45

Мытня Швейцарыі знішчыла сауну, якую спрабавалі завезці ў краіну ў абыход санкцый — СМІ

3 красавіка, Позірк. Аб прадухіленні спробы ўвозу ў краіну з Беларусі ў абыход санкцый сауны паведаміў швейцарскі тэлеканал RTS са спасылкай на адпаведныя дакументы мытных органаў.

Адзначаецца, што сауну ў Швейцарыю спрабавалі даставіць “у разабраным выглядзе”.

Deutsche Welle паведамляе, што імпарцёр аштрафаваны на 1.000 швейцарскіх франкаў (1.050 еўра), а сауна знішчаная.

Швейцарыя паслядоўна падтрымлівае санкцыі, якія ў дачыненні да Мінска ўводзіць Брусэль.

Раней паведамлялася аб далучэнні Швейцарыі да ўведзеных 16 снежня 2024 года санкцый Еўрасаюза ў дачыненні да 26 фізічных і дзвюх юрыдычных асоб з Беларусі.

Адзначалася, што “цяпер санкцыйныя спісы ЕС і Швейцарыі ў дачыненні да беларускіх асоб з’яўляюцца ідэнтычнымі”.

Падзяліцца: