У “спіс тэрарыстаў” дададзеныя супрацоўнік прадстаўніцтва ЕС Мікалай Хіло і яшчэ 12 чалавек (дапоўнена)

9 красавіка, Позірк. Камітэт дзяржаўнай бяспекі 7 красавіка ўнёс у спіс “асоб, якія маюць дачыненне да тэрарыстычнай дзейнасці”, яшчэ 13 чалавек. Адпаведныя змены адлюстраваныя ў дакуменце, апублікаваным 9 красавіка ў спецыяльным тэлеграм-канале КДБ.

Усе ўключаныя ў спіс прызнаныя палітвязнямі.

“Тэрарыстамі” прызнаныя: супрацоўнік прадстаўніцтва Еўрапейскага саюза ў Мінску, прапаведнік царквы евангельскіх хрысціян-баптыстаў “Дабравесце” Мікалай Хіло (асуджаны на 4 гады пазбаўлення волі; арт. 361 і 130 КК), Кірыл Вевель (3 гады; 130, 361, 361¹), Уладзімір Шпак (7 гадоў; арт. 342, 361, 361¹), асуджаныя на невядомыя тэрміны Андрэй Урублеўскі (ч. 1 арт. 368, ч. 1 арт. 130, ч. 3 арт. 361¹, арт. 369), Вольга Губар (ч. 1 арт. 130, ч. 3 арт. 361 і ч. 1 арт. 367), Ігар Сімашковіч (ч. 3 арт. 130, ч. 1 арт. 343, ч. 3 арт. 361¹, ч. 1 арт. 368, арт. 369), Аляксей Шпакоўскі (ч. 2 арт. 293), Карына Маліноўская (арт. 130, 342, ч. 3 арт. 361), Павел Казінцаў (арт. 369, 368, 130), Аляксандр Дарагакупец (арт. 130, 361², 361⁴, 361³, 361¹), Раман Якімёнак (130, 368, 361⁴), а таксама ўрачы Алена Елькіна (ч.1 і ч. 3 арт. 361¹) і Лілія Качан (арт. 342 і 361).

У “спісе тэрарыстаў” 1.377 пазіцыі і 1.269 чалавек, з іх не менш за 580 — грамадзяне Беларусі. Абвешчаным “тэрарыстамі” зняволеным забаронена атрымліваць грашовыя пераводы.

Даведка “Позірку”:

арт. 130 Крымінальнага кодэкса — распальванне расавай, нацыянальнай, рэлігійнай альбо іншай сацыяльнай варожасці або варажнечы;

арт. 130¹ — рэабілітацыя нацызму;

арт. 342 — арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх;

арт. 361 — заклікі да мер абмежавальнага характару (санкцый), іншых дзеянняў, накіраваных на прычыненне шкоды нацыянальнай бяспецы;

арт. 361¹ — стварэнне экстрэмісцкага фарміравання або ўдзел у ім;

арт. 361² — фінансаванне экстрэмісцкай дзейнасці;

арт. 361³ — удзел ці падрыхтоўка да ўдзелу грамадзяніна Беларусі на тэрыторыі замежнай дзяржавы ў ваенных дзеяннях без упаўнаважання дзяржавы;

арт. 361⁴ — садзейнічанне экстрэмісцкай дзейнасці;

арт. 368 — абраза прэзідэнта;

арт. 369 — абраза прадстаўніка ўлады.