У Беларусі чакаюцца навальніцы, МНС папярэджвае пра пагрозу лясных пажараў
22 красавіка, Позірк. У асобных раёнах Беларусі 22 красавіка чакаюцца навальніцы, папярэджвае Міністэрства па надзвычайных сітуацыях.
“Удзень месцамі невялікія кароткачасовыя дажджы, навальніцы. Ранкам у асобных раёнах слабы туман”, — гаворыцца ў паведамленні.
Паводле інфармацыі ведамства, тэмпература паветра складзе 23–29 градусаў цяпла. Удзень будзе паўднёвы вецер хуткасцю 4–9 метраў на секунду (у дыяпазоне 3–5 балаў з 12 па шкале Бофарта; класіфікуецца ў парадку ўзрастання як слабы, умераны і свежы), падчас навальніцы — з парывамі да 14 м/с (7 з 12; моцны вецер).
Такія ўмовы надвор’я, як адзначаецца, могуць прывесці да пашкоджання (абрыву) ліній сувязі і электраперадачы, адключэння электрычных падстанцый, электраэнергіі ў населеных пунктах; узнікнення лясных пажараў, а таксама пажараў у жылых і вытворчых будынках.
Згодна з інтэрактыўнай мапай на сайце Міністэрства лясной гаспадаркі, 22 красавіка захоўваецца забарона на наведванне лясоў у Баранавіцкім і Ляхавіцкім раёнах Брэсцкай вобласці і Хойніцкім раёне Гомельскай вобласці. У астатніх раёнах краіны дзейнічаюць абмежаванні.
Для тушэння ляснога пажару ў Столінскім раёне задзейнічаная авіяцыя МНС
21 красавіка, Позірк. Для тушэння ляснога пажару побач з вёскай Старына (Столінскі раён Брэсцкай вобласці) задзейнічаная авіяцыя Міністэрства па надзвычайных сітуацыях, вынікае з апублікаванага каля 18:00 21 красавіка паведамлення ведамства. Адзначаецца, што верталёты Мі-8 і Мі-17 скінулі ваду 22 разы — агулам …
