Больш за 70 тыс. жыхароў Беларусі хварэе на бранхіяльную астму — пульманолаг УС Мяцельскі
6 траўня, Позірк. У 2023 годзе ў Беларусі было зарэгістравана 4,3 тыс. новых выпадкаў бранхіяльнай астмы, паведаміў на прэс-канферэнцыі ў Мінску 6 траўня галоўны пазаштатны пульманолаг Узброеных сіл Сяргей Мяцельскі.
Паводле яго слоў, у Беларусі з такім дыягназам жыве больш за 70 тыс. чалавек — “распаўсюджанасць у сярэднім па краіне складае прыкладна 1%”.
Мяцельскі адзначыў, што захворване на астму ў свеце расце. “У асобных краінах” дыягназ маюць 7–8% дарослага насельніцтва, але “на асобных кантынентах гэтыя лічбы перавышаюць і 10–15%”, сказаў урач. “Гэта гаворыць пра тое, што ў нас захворванне застаецца недавыяўленым, недадыягнаставаным”, — дадаў ён.
