Запасы новых легкавых аўто на складах за год павялічыліся ў 2,8 раза
16 траўня, Позірк. Запасы новых легкавых аўтамабіляў у арганізацыях рознічнага гандлю па выніках першага квартала 2025 года павялічыліся ў гадавым вымярэнні ў 2,8 раза (з 1.231 да 3.460 адзінак), патрыманых — на 69,6% (з 959 да 1.626 адз.), вынікае з праведзенага “Позіркам” аналізу даных Нацыянальнага статыстычнага камітэта.
Маторнага паліва ў грашовым выражэнні стала больш на 11,2% (p 133 млн 341,1 тыс. да 148 млн 289,1 тыс. рублёў). Фізічныя запасы бензіну павялічыліся на 10,3% (з 20.069 т да 22.152,8 т), дызельнага паліва — на 0,4% (з 23.661,1 т да 23.758,1 т).
Раней Беларуская аўтамабільная асацыяцыя паведаміла, што ў студзені — сакавіку 2025 года ў краіне было прададзена больш за 13 тыс. новых легкавых аўтамабіляў. Член праўлення арганізацыі Сяргей Самойла, не прывёўшы абсалютных лічбаў, адзначыў, што ў параўнанні з сітуацыяй за той жа перыяд 2024 года “рост аўтамабільнага рынку склаў 1,7 раза”.