Колькасць занятых у беларускай эканоміцы зменшылася, да гэтага шэсць месяцаў запар назіраўся рост
26 траўня, Позірк. У красавіку 2025 года ў беларускай эканоміцы было занята 4 млн 135,8 тыс. чалавек — на 10,4 тыс. менш, чым у сакавіку (4 млн 146,2 тыс.; -0,3%), сведчыць праведзены “Позіркам” аналіз даных Нацыянальнага статыстычнага камітэта.
У студзені 2025 года ў эканоміцы было занята 4 млн 131,6 тыс. чалавек, у лютым — 4 млн 141 тыс., сакавіку — 4 млн 146,2 тыс. чалавек.
У студзені 2024 года ў эканоміцы было занята 4 млн 129,1 тыс. чалавек, у лютым — 4 млн 132,9 тыс., сакавіку — 4 млн 137,8 тыс., красавіку — 4 млн 126,5 тыс, траўні — 4 млн 112,2 тыс., чэрвені — 4 млн 113,6 тыс., ліпені — 4 млн 114,9 тыс., жніўні — 4 млн 118,5 тыс., верасні — 4 млн 108,7 тыс., кастрычніку — 4 млн 117,5 тыс., лістападзе — 4 млн 120,5 тыс., снежні — 4 млн 129,7 тыс.
Такім чынам, пасля шасці месяцаў бесперапыннага росту занятых да папярэдняга месяца фіксуецца памяншэнне іх колькасці.
