3 чэрвеня, Позірк. З 209.464 работнікаў, звольненых у Беларусі за студзень — красавік 2025 года, за прагул і іншыя парушэнні працоўнай дысцыпліны працы пазбавілася 5,6% (11.752), праз ліквідацыю арганізацыі, скарачэнне колькасці або штата работнікаў — 0,4% (750), сведчыць праведзены “Позіркам” аналіз даных Нацыянальнага статыстычнага камітэта.
У гадавым выражэнні колькасць парушальнікаў павялічылася на 0,2% (з 11.728 за чатыры месяцы 2024 года да 11.752 за той жа перыяд 2025-га), скарочаных — зменшылася на 12,8% (з 860 да 750).
У красавіку 2025 года ў беларускай эканоміцы было занята 4 млн 135,8 тыс. чалавек — на 10,4 тыс. менш, чым у сакавіку (4 млн 146,2 тыс.; -0,3%).
