73% заяў на датэрміновае выкарыстанне сродкаў сямейнага капіталу пададзена для паляпшэння жыллёвых умоў — Мінпрацы

10 чэрвеня, Позірк. Па стане на 1 чэрвеня 2025 года сямейны капітал налічаны 146.512 шматдзетным сем’ям (на аналагічную дату 2024 года — 138 298; +5,93%), паведамляе прэс-служба Міністэрства працы і сацыяльнай абароны.

Адкрыта 82,6 тыс. дэпазітных рахункаў на 826 млн долараў (абодва паказчыкі — без зменаў), а таксама 63,8 тыс. дэпазітных рахункаў (55,7 тыс.; +14,54%) на 1,68 млрд рублёў (1,42 млрд; +18,3%).

На датэрміновае выкарыстанне сродкаў сямейнага капіталу пададзена 95,7 тыс. заяў (85 950; +11,34%), у тым ліку для паляпшэння жыллёвых умоў — 77,4 тыс. (69 852; +10,81%) — 73% ад усіх заяў, для атрымання медыцынскіх паслуг — 10,5 тыс. (9 652; +8,79%) — 11%, для адукацыі — 7,8 тыс. (6 441; +21,1%) — 6,73%, для набыцця тавараў для людзей з інваліднасцю — 7 (5; +40%) — 0,73%.

Праграма сямейнага капіталу для сем’яў з трыма і больш дзецьмі дзейнічае з 2015 года. З 2020 года з’явілася магчымасць выкарыстоўваць сродкі датэрмінова. На 2025 год памер сямейнага капіталу складае 33.275 рублёў. У параўнанні з 2024 годам ён павялічыўся на 5,7% (+1.795 рублёў) пры росце спажывецкіх цэн за мінулы год на 5,16%.

Тэрмін дзеяння праграмы падоўжаны да канца 2029 года.

З 1 лютага па 31 ліпеня 2025 года дапамога на адно дзіця да 3 гадоў складае 861 рубель 42 капейкі, на другое і кожнае наступнае — 984 рублі 48 капеек, дзіця з інваліднасцю — 1.107 рублёў 54 капейкі. Летась гэтыя сумы складалі адпаведна 724 рублі 85 капеек, 828 рублёў 40 капеек і 931 рубель 95 капеек.

Колькасць насельніцтва Беларусі на 1 студзеня 2025 года склала 9 млн 109 тыс. 280 чалавек — на 1 млн 101 тыс. 123 менш за колькасць на аналагічную дату 1995 года (10 млн 210 тыс. 403; -10,8%), вынікае з праведзенага “Позіркам” аналізу на падставе даных Нацыянальнага статыстычнага камітэта.

Гарадское насельніцтва скарацілася за 30 гадоў на 3,5% (з 7 млн 182 тыс. 690 да 6 млн 932 тыс. 226), сельскае — у 1,7 раза (з 3 млн 278 тыс. 177 да 1 млн 926 тыс. 590).

У рэгіянальным разрэзе дэмаграфічная сітуацыя палепшылася толькі ў Мінску, дзе насельніцтва за названы перыяд павялічылася на 19,9% (з 1 млн 665 тыс. 580 да 1 млн 996 тыс. 730).

Ва ўсіх абласцях зафіксавана зніжэнне. Найгоршая дынаміка — у Віцебскай вобласці, дзе насельніцтва скарацілася амаль на чвэрць — на 24,8% (з 1 млн 426 тыс. 433 да 1 млн 72 тыс. 63). У Магілёўскай вобласці жыхароў стала менш на 22% (з 1 млн 244 тыс. 621 да 971 тыс. 365), Гродзенскай — на 18,5% (з 1 млн 208 тыс. 623 да 984 тыс. 880), Гомельскай — на 15,5% (з 1 млн 571 тыс. 663 да 1 млн 327 тыс. 973), Брэсцкай — на 13,2% (з 1 млн 497 тыс. 387 да 1 млн 299 тыс. 912), Мінскай — на 8,8% (з 1 млн 596 тыс. 96 да 1 млн 456 тыс. 357).

Насельніцтва Беларусі на пачатак 2024 года складала 9 млн 155 тыс. 978 чалавек, 2023-га — 9 млн 200 тыс. 617, 2022-га — 9 млн 255 тыс. 524, 2021-га — 9 млн 349 тыс. 645, 2020-га — 9 млн 410 тыс. 259.

Даныя Белстата могуць не ўлічваць масавую эміграцыю людзей з Беларусі з палітычных і эканамічных прычын, якая працягваецца з 2020 года.