Агульная плошча жылля, пабудаванага з дзяржпадтрымкай для маючых патрэбу, за чатыры гады зменшылася амаль на 40%
27 чэрвеня, Позірк. Агульная плошча ўведзенага ў эксплуатацыю жылля для грамадзян, што стаяць на ўліку маючых патрэбу, за чатыры гады скарацілася на 26,3% (з 555.396 квадратных метраў у студзені — траўні 2021 года да 409.535 кв. м за аналагічны перыяд 2025-га), вынікае з праведзенага “Позіркам” аналізу даных Нацыянальнага статыстычнага камітэта.
З выкарыстаннем дзяржаўнай падтрымкі за названы перыяд было ўведзена на 38,7% менш квадратных метраў жылля (з 405.522 да 248.778).
Усяго, паводле даных Белстата, для гэтай катэгорыі насельніцтва пабудавана на 22,4% кватэр менш (з 16.743 да 13.000).
