7 ліпеня, Позірк. У студзені — траўні 2025 года страхавым арганізацыям, якія працуюць у Беларусі, паступіла 1 млрд 188,72 млн рублёў у выглядзе узносаў па прамым страхаванні і сустрахаванні — на 12,1% больш, чым за тыя ж месяцы 2024-га (1 млрд 60,4 млн).
Міністэрства фінансаў паведамляе, што па добраахвотных відах страхавання сабрана 809,87 млн рублёў (719,32 млн; +12,6%), па абавязковых відах — 378,85 млн (341,06 млн; +11,1%).
Выплаты страхавой кампенсацыі і страхавога забеспячэння склалі 645,7 млн рублёў (578,9 млн; +11,5%).
Удзельная вага добраахвотных відаў страхавання ў агульнай суме страхавых узносаў склала 68,1% (за студзень — травень 2024 года — 67,8%).
Намінальная налічаная сярэдняя заработная плата прадстаўнікоў сферы фінансаў і страхавання ў траўні склала 3.894 рубля, што на 11,3% менш, чым у красавіку (4.388,8), і на 46,8% больш, чым сярэдняя па Беларусі (2.652,3).
Запазычанасць па рублёвых і валютных крэдытах, выдадзеных банкамі юрыдычным асобам названага сектара эканомікі, на 1 чэрвеня 2025 года вырасла да 5 млрд 174,2 млн рублёў (+34,6% у гадавым вымярэнні), пратэрмінаваная склала 9,5 млн (год таму не было).
Аўтарызавацца
Забыліся пароль?
Выхад з профілю
