Каардынацыйная рада прапануе правесці слуханні аб дзейнасці Аб’яднанага пераходнага кабінета 7–8 жніўня

16 ліпеня, Позірк. Чарговыя слуханні аб дзейнасці Аб’яднанага пераходнага кабінета (АПК) прапануецца правесці 7–8 жніўня, паведамляе прэс-служба Каардынацыйнай рады па выніках яе пасяджэння 15 ліпеня.

“Таксама была агучана кандыдатура Алісы Рыжычэнка на пасаду прадстаўніцы АПК па эканоміцы і фінансах (пазіцыя вакантная з лістапада 2022 года. — “Позірк”.), якая была прапанавана фракцыямі “Еўрапейскі выбар” і “Каманда Латушкі і “Рух за Свабоду”. АПК даслаў спіс функцый і абавязкаў патэнцыйнай прадстаўніцы. Слуханні па яе кандыдатуры прызначаныя на 22 ліпеня і адбудуцца ў межах чарговага агульнага паседжання Каардынацыйнай рады”, — паведамілі ў КР.

Мінулыя слуханні аб дзейнасці прадстаўнікоў АПК прайшлі ў жніўні 2023 года ў Варшаве.