Поўны камплект тавараў для школьніка каштуе ад 335 да 1.385 рублёў — МАРГ
17 ліпеня. Позірк. Кошт поўнага камплекта тавараў для школьніка, у які ўваходзіць адзенне, абутак, заплечнік, сумка, канцылярскія і школьныя прылады, складае ад 335 да 1.385 рублёў, паведаміла на прэс-канферэнцыі 17 ліпеня ў Мінску кансультант аддзела спажывецкага рынку ўпраўлення арганізацыі гандлю і грамадскага харчавання Міністэрства антыманапольнага рэгулявання і гандлю Кацярына Макуцэня.
Паводле інфармацыі начальніка аддзела развіцця гандлю і паслуг дзяржаўнага аб’яднання “Сталічны гандаль і паслугі” Анастасіі Макарскай, доля тавараў айчынных вытворцаў школьнага адзення ў крамах складае 92,5%. Імпартны абутак займае 58% дзіцячага асартыменту, галантарэйныя тавары (заплечнікі, сумкі, рамяні) — 60%, трыкатажныя вырабы — 20%. Імпарт паступае ў асноўным з Расіі і Кітая.
Дзелавы стыль для школьнікаў замацаваны заканадаўча, згодна з новым Кодэксам аб адукацыі, падпісаным 10 снежня 2024 года Аляксандрам Лукашэнкам.
