МЗС пацвердзіў утапленне беларускі ў Бураціі, яе спрабаваў выратаваць муж

7 жніўня, Позірк. Гібель грамадзянску Беларусі ў Бураціі (РФ) пацвердзіла Міністэрства замежных спраў.

Паводле папярэдніх звестак, адзначае ведамства, “група з пяці беларускіх турыстаў здзяйсняла сплаў па рацэ”. “У лодцы знаходзілася шлюбная пара. Жанчына выпала за борт, муж паспрабаваў выратаваць яе, скокнуўшы ў ваду, але, на жаль, выратаваць яе не ўдалося. Мужчына самастойна выбраўся на бераг. Астатнія члены групы (чатыры чалавекі) не пацярпелі. Група застаецца на месцы пад наглядам ратавальнікаў”, — гаворыцца ў паведамленні.

На працягу 36 гадзін плануецца эвакуацыя беларускіх турыстаў, адзначае МЗС.

Раней са спасылкай на МЧМ Бураціі расійскія СМІ паведамілі, што двое грамадзян Беларусі — жанчына і мужчына — упалі ў ваду ў месцы зліцця рэк Кітой і Білюты.

Жанчына загінула, мужчына пасля пошукаў знойдзены жывым, “у здавальняючым стане”.

Як адзначалася, мінулай ноччу ў МНС паступіла інфармацыя, што “ў Тункінскім раёне група турыстаў, якая ажыццяўляла сплаў па рацэ Кітай, сустрэла падарожнікаў з Рэспублікі Беларусь у колькасці шасці чалавек, у якіх адбылося здарэнне”.

“Цела жанчыны знойдзена турыстамі, мужчыну ўнесла цячэннем”, — гаварылася ў паведамленні.