Зніклую мінчанку і яе шасцігадовага сына шукаюць шосты дзень

29 жніўня, Позірк. Пра знікненне жыхаркі Мінска Вікторыі Чарнавусавай і яе шасцігадовага сына Льва Чорненькага паведаміў 29 жніўня на сваёй старонцы ў сацсетцы “УКантакце” пошукава-выратавальны атрад “Анёл”.

Адзначаецца, што 29-гадовая жанчына з дзіцем удзень 23 жніўня “сышлі з дому на шпацыр і не вярнуліся”, “да цяперашняга часу іх месцазнаходжанне не ўстаноўлена”.

Пошукава-выратавальны атрад “Анёл” — грамадскі праект па аказанні дапамогі ў пошуку зніклых людзей, заснаваны ў 2012 годзе.