У студзені — жніўні інвестыцыі ў асноўны капітал выраслі на 54,4% у гадавым вымярэнні
22 верасня, Позірк. Інвестыцыі ў асноўны капітал Беларусі ў студзені — жніўні 2025 года склалі 33,2 млрд рублёў, што на 54,4% больш, чым за восем месяцаў 2024-га (21,5 млрд), сведчаць даныя Нацыянальнага статыстычнага камітэта.
У лідарах прадпрыемства Мінскай вобласці і Мінска, на якія прыпала 25,1% (годам раней — 24,3%) і 21,6% (20%) усіх інвестыцый адпаведна. Далей Гомельская вобласць — 13,1% (13,2%), Брэсцкая — 12,9% (13,5%), Гродзенская — 9,6% (10,6%), Віцебская — 9% (9,2%) і Магілёўская — 8,6% (9,2%).
