Лукашэнка зноў наведае Расію

24 верасня, Позірк. Аляксандр Лукашэнка 25–26 верасня зробіць працоўны візіт у Расію, паведаміла яго прэс-служба.

Анансавана яго сустрэча з Уладзімірам Пуціным, на якой будуць абмяркоўвацца “найбольш актуальныя пытанні развіцця беларуска-расійскіх адносін, абстаноўка ў рэгіёне і міжнародны парадак дня”.

Лукашэнка таксама прыме ўдзел у “Глабальным атамным форуме” ў Маскве (прымеркаваны да 80-годдзя расійскай атамнай прамысловасці).

Папярэдні раз Пуцін і Лукашэнка размаўлялі 1 жніўня на Валааме (Карэлія, РФ), праз тыдзень пасля сустрэчы яны правялі тэлефонную размову.

Раней сёлета Лукашэнка рабіў візіты ў Расею ў сакавіку, красавіку і траўні.