Мытня спыніла вываз польскім кіроўцам 120 літраў паліва

30 кастрычніка, Позірк. 120 літраў аўтамабільнага паліва канфіскавана ў польскага кіроўцы, паведамляе Дзяржаўны мытны камітэт (ДМК).

Кіроўца аўтобуса “Неаплан” выязджаў з Беларусі праз пункт пропуску Брэст (з польскага боку Цярэспаль), адзначае ведамства. Пры аглядзе аўтобуса ў багажным аддзяленні была знойдзеная схованка — ёмістасць з палівам.

На грамадзяніна Польшчы складзены адміністрацыйны пратакол паводле ч. 2 арт. 15.1 КаАП (перамяшчэнне тавараў, якія падлягаюць мытнаму дэклараванню, з утойваннем ад мытнага кантролю). Санкцыя артыкула прадугледжвае штраф да 30 базавых велічынь з канфіскацыяй утоенага тавару і транспартнага сродку.

Паведамляецца, што аўтобус 1996 года выпуску коштам каля 45 тыс. рублёў канфіскаваны да рашэння суда.

Гл. таксама:

У 2025 годзе спынена больш за 550 спробаў незаконнага ўвозу грошай з Польшчы — мытня Беларусі

Мытня спыніла вываз у Літву 530 кг тытуню для кальянаў

Мытня спыніла нелегальны ўвоз тавараў на 1,7 млн рублёў