Зацверджаныя прагнозныя паказчыкі на 2026 год: рост ВУП на 2,8%, інфляцыя не больш за 7%

3 лістапада, Позірк. Аляксандр Лукашэнка 3 лістапада зацвердзіў важнейшыя прагнозныя параметры развіцця краіны на 2026 год.

Валавы ўнутраны прадукт мае павялічыцца на 2,8%, інвестыцыі за кошт усіх крыніц фінансавання — на 3,1%, экспарт тавараў і паслуг — на 3,7% (з пераважным нарошчваннем яго фізічных аб’ёмаў), рэальныя грашовыя даходы насельніцтва — на 4,8%, інфляцыя — не больш за 7%, міжнародныя рэзервовыя актывы — не менш за 9,2 млрд долараў.

16 кастрычніка на нарадзе па праектах прагнозных дакументаў на 2026 год Лукашэнка заявіў пра “неадназначнасць” сітуацыі ў беларускай эканоміцы. Кажучы пра паказчыкі, ён папярэдзіў, што “патрэбны рэалістычны, але напружаны сцэнарый”.

“Нехта прапануе [рост ВУП на] 3–3,5% — калі ласка. Дзе, за кошт чаго і як сам запрэжацца ў падвышэнне гэтай дынамікі. Калі нехта [прапануе] ніжэй — няхай растлумачыць, як гэта будзе ўспрынята нашым грамадствам і як будзе жыць Беларусь”, — заявіў палітык.

Лукашэнка таксама звярнуў увагу на тое, што “расійская эканоміка сціскаецца”: “І ўвогуле не ўлічваць гэтую сітуацыю нельга, бо каля 67% экспарту і 56% імпарту прыпадае на Расію”.

Падрабязнасці даступныя падпісчыкам “Позірк+”