Прадукты, алкаголь, цыгарэты падаражэлі за дзесяць месяцаў на 7,7%, год таму фіксаваўся рост на 4,4%
21 лістапада, Позірк. За дзесяць месяцаў 2025 года прадукты харчавання, алкагольныя і безалкагольныя напоі, тытунёвыя вырабы падаражэлі на 7,72%, годам раней быў рост на 4,39%, вынікае з праведзенага “Позіркам” аналізу даных Нацыянальнага статыстычнага камітэта.
Паводле даных Белстата, паслугі за ўказаны перыяд сталі даражэйшымі на 7,53% (+4,82%).
Сітуацыя ў рэгіёнах наступная:
Брэсцкая вобласць: +7,92% (+3,86%) і +7,63% (+4,68%) адпаведна;
Віцебская: +7,7% (+4,25%) і +7,79% (+4,45%);
Гомельская: +7,11% (+4,7%) і +7,86% (+4,43%);
Гродзенская: +8,4% (+4,25%) і +7,92% (+5,45%);
Мінск: +7,51% (+4,45%) і +7,25% (+5,08%);
Мінская: +7,92% (+4,01%) і +6,96% (+4,66);
Магілёўская: +7,9% (+5,52%) і +7,68 (+4,97%).
Раней “Позірк” паведамляў, што спажывецкія цэны ў кастрычніку 2025 года выраслі на 0,3%.
Харчовыя тавары падаражэлі на 0,8%, нехарчовыя патаннелі на 0,1%, паслугі — на 0,05%.
У параўнанні са снежнем 2024 года цэны выраслі на 6,1%: харчовыя тавары сталі даражэйшымі на 7,7%, нехарчовыя — на 2,8%, паслугі — на 7,5%.
У гадавым вымярэнні (к кастрычніку 2024 года) цэны павялічыліся на 6,9%. Харчаванне стала даражэйшым на 9,8%, нехарчовыя тавары — на 2,5%, паслугі — на 7,6%.
Міністэрства антыманапольнага рэгулявання і гандлю пастановай № 4 ад 27 студзеня вызначыла паказчыкі штомесячнага (з нарастаннем) дапушчальнага павелічэння цэн: у студзені цэны не павінны былі вырасці больш чым на 0,7% (па факце — +0,7%), па выніках студзеня — лютага — на 1,9% (+2%), студзеня — сакавіка — на 2,2% (+2,8%), студзеня — красавіка — на 2,7% (+3,8%), студзеня — траўня — на 3% (+4,5%), студзеня — чэрвеня — 3,3% (+5,4%), студзеня — ліпеня — 3,4% (+5,6%), студзеня — жніўня — 3,4% (+5,3%), студзеня — верасня — 3,7% (+5,8%), студзеня — кастрычніка — 4,1% (+6,1%).
Далей: студзень — лістапад — 4,4%, студзень — снежань — 5% (гэтая адзнака з’яўляецца зацверджанай Аляксандрам Лукашэнкам на 2025 год).
Тэндэнцыю растучай інфляцыі “неабходна пераламіць”, заявіў Лукашэнка 9 верасня ў Мінску на нарадзе з апаратам Нацыянальнага банка і кіраўніцтвам банкаў.
Паводле меркавання спікера, роля Нацбанка ў гэтым працэсе “ўвогуле пакуль слаба прасочваецца”.
“Нізкая інфляцыя патрэбна нашым прадпрыемствам для планавання доўгатэрміновых інвестыцый, — падкрэсліў Лукашэнка. — А людзям — для таго, каб не падала іх пакупніцкая здольнасць і не абясцэньваліся даходы і ашчаджанні”.
Гаворачы аб асноўных задачах для банкаўска-фінансавай сістэмы, ён заявіў, што важна “забяспечыць фінансавую стабільнасць”.
Эканоміка Беларусі пры адсутнасці моцных знешніх шокаў “працягне функцыянаваць у стане перагрэтага празмернага ўнутранага попыту”, вынікала з агляду манетарнага асяроддзя за другі квартал 2025 года, прадстаўленага даследчым цэнтрам BEROC.
Паводле меркавання экспертаў, “гэта будзе суправаджацца высокай [гадавой] інфляцыяй”, якая “можа наблізіцца да верхняй мяжы дыяпазону 7–9% да канца бягучага года”.
Старшы навуковы супрацоўнік даследчага цэнтра BEROC Анатоль Харытончык на брыфінгу 25 чэрвеня адзначыў, што інфляцыя ў Беларусі “пачынае тэставаць гранічныя ўзроўні, якія ўлады краіны гатовыя дапусціць дзеля кароткатэрміновага стымулявання росту ВУП праз лішне мяккую эканамічную палітыку — 7–9% у гадавым вылічэнні па выніках 2025 года”.
