8 снежня, Позірк. З 2020 года Еўрасаюз “аказаў значную падтрымку беларускім грамадзянскім актывістам, праваабаронцам і простым людзям, якія адважыліся выказаць сваю пазіцыю”, заявіла 8 снежня ў Бруселі камісар ЕС па пытаннях пашырэння Марта Кос.
Чыноўніца выступіла на канферэнцыі высокага ўзроўню па Беларусі пад назвай “Стварэнне асноў для дэмакратычных перамен”. Форум праходзіць у Еўрапарламенце.
Па лініі Еўракамісіі, як сказала Кос, юрыдычная і медыцынская дапамога была аказаная больш як 7,5 тыс. беларусам, стыпендыі прадастаўленыя больш як 3,5 тыс. студэнтам, падтрыманыя тысячы бізнесаў у выгнанні.
“Я з гонарам заяўляю сёння, што ЕС выдзеліць дадатковыя 30 мільёнаў еўра для дапамогі людзям Беларусі налета, — заявіла яна. — Гэта давядзе агульны аб’ём нашай дапамогі пасля выкрадзеных выбараў у 2020 годзе да сумы, якая перавышае 200 мільёнаў еўра”.
Падрабязнасці даступныя падпісчыкам “Позірк+”
