Руднік: За апошнія пяць гадоў змяніліся стылістыка, фарматы, якасць і тэмы, з якімі працуе беларуская прапаганда

9 снежня, Позірк. За апошнія пяць гадоў змяніліся стылістыка, фарматы, якасць і тэмы, з якой працуе беларуская прапаганда. Такое меркаванне выказала дырэктар Цэнтра новых ідэй Леся Руднік на анлайн-прэзентацыі даследавання “Мэпінг беларускай прапаганды: пра што і як пішуць беларускія праўладныя аўтары?”, якая прайшла 9 снежня.

У ім адзначаецца, што пасля пратэстаў 2020 года ўлады пачалі актыўна прасоўваць свой парадак дня ў “Тэлеграме”: дзясяткі праўладных каналаў штодня публікуюць тысячы пастоў на падтрымку ўладаў і асабіста Лукашэнкі, адначасова крытыкуючы яго апанентаў. Усе гэта адбываецца на фоне блакіроўкі доступу да альтэрнатыўнай інфармацыі і стыгматызацыі незалежных СМІ.

Кажучы пра ўцягнутасць аўдыторыі, Руднік адзначыла, што ў цэлым яна “не вельмі актыўна рэагуе на праўладны кантэнт”.

“Праўладны “Тэлеграм” працуе як фонавы шум: ён стварае адчуванне дамінуючай пазіцыі ўлады, вырабляе плынь аднатыпных паведамленняў і ў прынцыпе не імкнецца або не здольны сфарміраваць супольнасць, эмацыйную мабілізацыю”, — адзначыла спікер.

Іншыя падрабязнасці даступныя падпісчыкам “Позірк+” (калі спасылка не працуе, карыстайцеся, калі ласка, гэтай)