Перададзена ў суд справа трох кіраўнікоў страхавых кампаній, якія за 10 гадоў атрымалі хабараў на 1,2 млн рублёў
6 студзеня, Позірк. Аб накіраванні ў суд крымінальнай справы ў дачыненні да трох службовых асоб — кіраўнікоў страхавых кампаній — паведаміла 6 студзеня Генеральная пракуратура.
Фігурантам інкрымінавана атрыманне хабараў у асабліва буйным памеры, пры гэтым аднаму з іх дадаткова ставіцца ў віну крадзеж грошай махлярскім шляхам у буйным памеры.
Згодна з матэрыяламі справы, абвінавачаныя, “дзейнічаючы незалежна адзін ад аднаго”, больш за 10 гадоў “з адзіным намерам прымалі ад прадстаўніка замежнай камерцыйнай арганізацыі, якая аказвае сэрвісныя паслугі ў частцы прадастаўлення застрахаваным асобам медыцынскай дапамогі за мяжой, грошы ў якасці хабару”. “Яны перадаваліся за магчымасць супрацоўніцтва з беларускімі страхавальнікамі і пераважнае стаўленне да гэтай замежнай арганізацыі”, — адзначае ведамства.
Паводле звестак Генпракуратуры, сукупная сума атрыманага абвінавачанымі незаконнага даходу перавысіла 1,2 млн рублёў.
Акрамя таго, адзначылі ў пракуратуры, адзін з абвінавачаных, знаходзячыся на пасадзе дарадцы генеральнага дырэктара страхавой кампаніі, “шляхам падману і злоўжывання даверам завалодаў чужымі сродкамі ў суме каля 29 тыс. рублёў”.
Паведамляецца, што хабарадавальнік “вызвалены ад крымінальнай адказнасці ў сувязі з добраахвотным паведамленнем аб зробленым і актыўнай дапамогай у раскрыцці і расследаванні злачынства”.
На маёмасць абвінавачаных, кошт якой кратна перавысіў суму атрыманых хабараў, накладзены арышт.
“Вывучэнне матэрыялаў справы ў Генеральнай пракуратуры паказала, што папярэдняе расследаванне па ёй праведзена ўсебакова, поўна і аб’ектыўна, супрацьпраўныя дзеянні дакладна кваліфікаваныя паводле ч. 3 арт. 430 Крымінальнага кодэкса, а аднаго з абвінавачаных — таксама паводле ч. 3 арт. 209 Крымінальнага кодэкса”, — гаворыцца ў паведамленні.
Пры гэтым “меры стрымання ў выглядзе заключэння пад варту і закладу ўжытыя правільна, падстаў для іх змены альбо адмены намеснік генеральнага пракурора <…> не ўгледзеў”.
Даведка “Позірку”
Згодна з ч. 3 арт. 430 КК, атрыманне хабару асобай, раней судзімай за злачынствы, прадугледжаныя артыкуламі 430, 431 і 432 КК, альбо ў асабліва буйным памеры, альбо арганізаванай групай, альбо асобай, якая займае адказнае становішча, караюцца пазбаўленнем волі на тэрмін ад 5 да 15 гадоў са штрафам і з пазбаўленнем права займаць пэўныя пасады або займацца пэўнай дзейнасцю.
Згодна з ч. 3 арт. 209 КК, махлярства, здзейсненае ў буйным памеры, караецца абмежаваннем волі на тэрмін ад 2 да 5 гадоў або пазбаўленнем волі на тэрмін ад 2 да 7 гадоў са штрафам або без штрафу.
Зацверджаны пяцігадовы план па барацьбе са злачыннасцю і карупцыяй
30 снежня, Позірк. Распрацаваны Генеральнай пракуратурай план па барацьбе са злачыннасцю і карупцыяй на 2026–2028 гады зацверджаны 30 снежня на пасяджэнні рэспубліканскай каардынацыйнай нарады, паведамляе нагляднае ведамства. Дакумент прыняты сумесна з Саветам міністраў у мэтах выканання закона “Аб асновах дзейнасці …
