Самалёты расійскай “Северсталь Авія” з траўня па верасень будуць курсаваць паміж Мінскам і Петразаводскам
7 студзеня, Позірк. Расійская авіякампанія “Северсталь Авія” з 3 траўня па 13 верасня 2026 года будзе выконваць рэйсы паміж Мінскам і Петразаводскам (Рэспубліка Карэлія, РФ), паведамляе прэс-служба Міністэрства транспарту і камунікацый Беларусі.
“Плануецца, што палёты будуць выконвацца раз на тыдзень на самалётах Bombardier CRJ-200 умяшчальнасцю 50 пасажыраў, — гаворыцца ў паведамленні ведамства. — Новы маршрут закліканы ўмацаваць транспартныя зносіны паміж Беларуссю і рэгіёнамі Расіі, адгукаючыся на попыт з боку пасажыраў”.
Згодна з данымі сэрвісу браніравання на сайце расійскай авіякампаніі, палёт паміж Мінскам і Петразаводскам займае 1 гадзіну 40 хвілін. З беларускай сталіцы борт вылятае ў 10:20, прыбываючы ў галоўны карэльскі горад у 12:00. З Петразаводска — у 13:30 з прыбыццём у Мінск у 15:10.
На першы рэйс з Мінска ў Петразаводск 3 траўня — станам на 20:30 7 студзеня — засталося 5 квіткоў коштам 10.406 расійскіх рублёў (каля 130 долараў). З Петразаводска ў Мінск — 9 квіткоў па 10.153 расійскія рублі (аналагічна).
Напрыканцы 2025 года “Северсталь Авія” абвясціла, што ўлетку будуць выконвацца рэйсы паміж Мінскам і Чарапаўцом (Валагодская вобласць РФ), дзе базуецца авіякампанія.
Да 2030 года ўлады маюць намер працаваць над абнаўленнем парка паветраных суднаў
7 студзеня, Позірк. Працягнуць "развіццё авіятранспартнага комплексу, фармаванне эфектыўнай інфраструктуры паветранага транспарту для задавальнення патрэбы эканомікі і насельніцтва ў авіяцыйных паслугах" — такая мэта закладзеная ў падпраграме "Паветраны транспарт" у рамках дзяржаўнай праграмы "Транспарт Беларусі" на 2026–2030 гады. Тэкст дакумента …
