1 сакавіка, Позірк. Беларусь стала лідарам на тэрыторыі былога СССР па патанненні долара ў 2026 годзе, сведчыць праведзены “Позіркам“ параўнальны аналіз каціровак цэнтрабанкаў на 31 снежня 2025 года і 28 лютага 2026-га.
За два месяцы афіцыйны курс амерыканскай валюты знізіўся на 1,74% (з 2,9027 да 2,8523 рубля).
Далей: Расія са зніжэннем каціроўкі долара на 1,22%, Арменія — 1,14%, Казахстан — 1,00%, Грузія — 0,71%, Латвія, Літва і Эстонія — 0,47%.
У лютым 2026 года Беларусь стала адной з васьмі краін на тэрыторыі былога СССР, дзе афіцыйны курс долара ЗША да нацыянальнай валюты вырас.
Амерыканская валюта найбольш падаражэла ў Расіі (+2,03%), Малдове (+1,63%) і Таджыкістане (+1,49%). Далей: Латвія, Літва, Эстонія (па +0,97%), Украіна (+0,84%) і Беларусь (+0,09%).
