Золатавалютныя рэзервы Беларусі за люты выраслі на 665,4 млн долараў

4 сакавіка, Позірк. Міжнародныя рэзервовыя актывы Беларусі на 1 сакавіка 2026 года склалі 16 млрд 366,7 млн долараў у эквіваленце, што з’яўляецца новым рэкордам, сведчаць папярэднія даныя Нацыянальнага банка.

На пачатак мінулага месяца золатавалютныя рэзервы, паводле ўдакладненых даных рэгулятара, былі на ўзроўні 15 млрд 701,3 млн долараў. Такім чынам, за люты яны выраслі на 665,4 млн.

На 1 студзеня ЗВР складалі 14 млрд 423 млн долараў. Рост ад пачатку 2026 года — 1 млрд 943,7 млн ​​(+13,48%).

(будзе дапоўнена)