У студзені — лютым грузаперавозкі знізіліся на 0,9%

17 сакавіка, Позірк. Аб’ём грузаперавозак у студзені — лютым 2026 года знізіўся на 0,9% (тут і далей у гадавым вымярэнні), паведамляе Нацыянальны статыстычны камітэт.

На працягу апошніх пяці месяцаў 2024 года назіралася змяншэнне росту ў гэтым сегменце транспартнай галіны: па выніках студзеня — жніўня аб’ём вырас на 3,8%, студзеня — верасня — на 2,8%, студзеня — кастрычніка — на 2,3%, студзеня — лістапада — на 1,9%, студзеня — снежня — на 1,5%.

У 2025 годзе аб’ём грузаперавозак знізіўся на 2,6%: у студзені — на 1,6%, студзені — лютым і студзені — сакавіку — на 2,7%, студзені — красавіку — на 3%, студзені — траўні — на 3,4%, студзені — чэрвені — 3,8%, студзені — жніўні — на 4%, студзені — верасні — на 3,8%, студзені — кастрычніку — на 3,1%, студзені — лістападзе — на 3%, па выніках года — на 2,6%.

У студзені 2026-га — на 0,5%.

Пасажыраабарот транспарту (вылічаецца шляхам множання колькасці пасажыраў на адлегласць перавозак) вырас за два месяцы 11,1% (у студзені — на 7,1%, па выніках 2025-га – на 7,1%, студзеня — лістапада — 6,9%, студзеня — кастрычніка — 6,6%, студзеня — верасня — 6,5%, студзеня — жніўня — 6,6%, студзеня — ліпеня — 6,5%, студзеня — чэрвеня — 6,7%, студзеня — траўня — 6,8%), перавезена на 0,7% больш пасажыраў (+1,5%, +1,8%, +2%, +2%, +1,9%, +1,8% і +1,5% адпаведна).

У Беларусі грузаабарот транспарту памяншаўся: у 2019 годзе — на 5,8%, 2020-м — на 5,9%, 2021-м -— на 3,6%, 2022-м — на 25,4%, 2023-м — на 17,7%, 2024-м — на 2,6%.

Раней аналітыкі Еўразійскага банка развіцця патлумачылі значнае скарачэнне грузаабароту ў Беларусі “парушэннем транспартна-лагістычных ланцужкоў, закрыццём паўднёвай часткі паветранай прасторы Расіі, спыненнем перавозак у зносінах з Украінай”.

Па выніках студзеня — лістапада 2025 года Беларусь паводле дынамікі грузаперавозак знаходзілася на апошнім месцы ў Еўразійскім эканамічным саюзе, паказаў праведзены “Позіркам” аналіз даных Еўразійскай эканамічнай камісіі.

Абарот у цэлым вырас на 0,3%: у Кыргызстане — на 15,7%, Казахстане — на 11,8%; у Расіі знізіўся на 0,7%, Арменіі — на 2,2%, Беларусі — на 3%.

Разам з тым пасажыраабарот па ўсіх відах транспарту ў аб’яднанні павялічыўся на 0,8%: у Казахстане — на 7,6%, Беларусі — на 6,9%, Кыргызстане — на 3,5%, Арменіі — на 0,35%; у Расіі знізіўся на 0,6%.