Праз пажар на плошчы 1 кв. м з навуковай установы ў Мінску давялося эвакуяваць 135 чалавек
30 сакавіка, Позірк. У адным з інстытутаў Нацыянальнай акадэміі навук на вул. Сурганава ў Мінску адбыўся пажар, спатрэбілася эвакуяваць людзей, паведаміла 30 сакавіка прэс-служба Міністэрства па надзвычайных сітуацыях.
“Па прыбыцці падраздзяленняў МНС назіралася шчыльнае задымленне ў цокальным паверсе будынка. Падчас выведкі высветлена, што адбылося загаранне маёмасці на плошчы 1 кв. м, — гаворыцца ў паведамленні. — У выніку спрацоўкі маўленчага апавяшчэння адміністрацыяй аб’екта і работнікамі МНС эвакуяваныя 135 чалавек”.
У тушэнні было задзейнічана шэсць адзінак тэхнікі МНС. Пажарныя ліквідавалі загаранне. Пацярпелых няма.
