Колькасць загінулых у ДТЗ у Мінску за год павялічылася ў 1,7 раза
30 сакавіка, Позірк. Колькасць дарожна-транспартных здарэнняў знізілася ў Беларусі за год на 5,5% (з 3.453 у 2024-м да 3.262 у 2025-м), вынікае з праведзенага “Позіркам” аналізу звестак Нацыянальнага статыстычнага камітэта.
У Мінску і Брэсцкай вобласці колькасць ДТЗ зменшылася на 15,1% (з 644 да 547) і 14% (з 507 да 436) адпаведна.
У Магілёўскай вобласці іх стала менш на 10,5% (з 449 да 402), Гродзенскай — на 9,1% (з 339 да 308), Гомельскай — на 2,6% (з 424 да 413).
У Віцебскай вобласці колькасць аварый павялічылася на +2,2% (з 405 да 414), Мінскай — на 8,3% (з 685 да 742).
Колькасць загінулых у ДТЗ скарацілася на 1,8% (з 434 да 426).
Толькі ў Магілёўскай вобласці колькасць ахвяр стала меншай — на 44,4% (з 54 да 30).
У Мінскай, Брэсцкай і Гомельскай абласцях адзначана нулявая дынаміка: 115, 76 і 66 адпаведна.
Рост зафіксаваны ў Мінску — у 1,7 раза (з 14 да 24), Віцебскай вобласці — на 6,2% (з 65 да 69), Гродзенскай — на 4,5% (з 44 да 46).
