Старшыня ПАСЕ заклікала дэлегатаў “не забываць пра Беларусь”

22 чэрвеня, Позірк. “Не забываць пра Беларусь, хоць увага сусветнай супольнасці справядліва засяроджаная на Украіне”, заклікала членаў Парламенцкай асамблеі Савета Еўропы (ПАСЕ) яе старшыня Пятра Байр, выступаючы 22 чэрвеня на адкрыцці летняй сесіі.

“Аўтарытарызм разлічвае на тое, что наша увага вычарпаецца. Мы не павінны дазволіць яму дамагчыся поспеху”, — сказала Байр.

Прадстаўнікі беларускіх дэмсіл, паводое яе слоў, актыўна ўдзельнічаюць у працы ПАСЕ, “нягледзячы на ўсе намаганні рэжыму спадара Аляксандра Лукашэнкі падарваць іх аўтарытэт і знізіць эфектыўнасць іх дзейнасці”.

“Мы ўзаемадзейнічаем з дэмакратычнымі сіламі Расіі і Беларусі, дапамагаючы ім ствараць асновы для сваіх будучых дзяржаў, дзе правы чалавека і вяршэнства права з’яўляюцца не проста замежнымі паняццямі, а неад’емнымі прынцыпамі і элементамі іх ідэнтычнасці”, — падкрэсліла старшыня ПАСЕ.

“Але мы робім гэта і дзеля сябе, — дадала яна, — паколькі еўрапейская бяспека не будзе гарантаваная без дэмакратычнай Беларусі і дэмакратычнай Расійскай Федэрацыі. І калі ў гэтых дзвюх краінах не адбудуцца глыбокія змены, яны і далей будуць прадстаўляць пагрозу не толькі для Еўропы, але і для ўласных грамадзян”.

У працы сесіі ПАСЕ прымае ўдзел дэлегацыя Каардынацыйнай рады, у якую, у прыватнасці, уваходзяць Аляксандра Мамаева, Павел Латушка.