У Польшчы затрыманы беларус са 150 тыс. пачак кантрабандных цыгарэт, схаваных у рулонах руберойду

25 жніўня, Позірк. Пра затрыманне 40-гадовага беларускага грамадзяніна, які спрабаваў правезці ў Польшчу больш за 150 тыс. пачак нелегальных цыгарэт, паведамляе Нацыянальная падатковая адміністрацыя гэтай краіны.

Кантрабанда была выяўленая ў грузавіку, які, паводле дакументаў, перавозіў рулоны руберойду. Пасля рэнтгенаўскага сканавання супрацоўнікі мытна-падатковай службы ў Баброўніках правялі агляд і знайшлі цыгарэты, схаваныя ўнутры рулонаў.

Арыентавальны рынкавы кошт тытунёвай прадукцыі складае 3 млн злотых (813 тыс. долараў).

У дачыненні да кіроўцы распачатая крымінальная справа. На падставе хадайніцтва пракурора суд накіраваў падазраванага пад часовы арышт.

Паведамляецца, што беларусу пагражае ад 3 да 10 гадоў пазбаўлення волі.