Асуджаны па палітычных матывах Дзмітрый Дудойць скончыў жыццё самагубствам

5 студзеня. Асуджаны па палітычных матывах 43-гадовы жыхар Смаргоні Дзмітрый Дудойць, які адбываў пакаранне ў Магілёве, уцёк падчас візіту ў паліклініку, саскочыў з маста і разбіўся насмерць. Гэтую інфармацыю пацвердзіў праваабарончы цэнтр “Вясна”.

Дудойць быў асуджаны на два гады абмежавання волі па арт. 369 Крымінальнага кодэкса за каментар пра начальніка Ганцавіцкага РУУС Віталя Куляшова, пакінуты ў сацыяльнай сетцы “Одноклассники” 21 чэрвеня 2020 года. Ён адбываў пакаранне ў папраўчай установе адкрытага тыпу №43 з 29 снежня 2021 года.

Па стане на 5 студзеня ў Беларусі прызнаныя палітвязнямі 968 чалавек.