Германія “рэзка асуджае паказальны працэс” супраць беларускіх праваабаронцаў

6 студзеня, BPN. Урад Германіі “рэзка асуджае палітычна матываваны паказальны працэс супраць лаўрэата Нобелеўскай прэміі міру Алеся Бяляцкага, а таксама Валянціна Стэфановіча і Уладзіміра Лабковіча”, гаворыцца ў заяве знешнепалітычнага ведамства ФРГ.

“Іх судзяць толькі за тое, што яны абаранялі правы чалавека і грамадзяніна”, – падкрэслівае афіцыйны Берлін.

Урад Германіі “патрабуе ад уладаў у Мінску вызвалення ўсіх больш за 1.400 палітвязняў”. “Гвалт і рэпрэсіі супраць беларускай грамадзянскай супольнасці павінны быць спынены”, — зазначаецца ў заяве.