Амбасадар Беларусі ў РФ падпісаў пагадненне аб пашырэнні партнёрства з самаабвешчанай ДНР

16 чэрвеня, BPN. Пасол Беларусі ў Расіі Дзмітрый Круты і кіраўнік самаабвешчанага ўтварэння на акупаванай РФ тэрыторыі Украіны “Данецкай народнай рэспублікі” (ДНР) Дзяніс Пушылін падпісалі ў Санкт-Пецярбургу 15 чэрвеня пагадненне аб пашырэнні партнёрства, паведаміў прадстаўнік ДНР у своем телеграм-канале.

Круты і Пушылін удзельнічаюць у Пецярбургскім міжнародным эканамічным форуме, які праходзіць з 14 па 17 чэрвеня. 

Паводле слоў Пушыліна, “камюніке аб пашырэнні партнёрства з Беларуссю” стала вынікам “плённай сустрэчы” з Аляксандрам Лукашэнкам, якая адбылася 18 красавіка ў Мінску. 

“Наш рэгіён у высокай меры зацікаўлены ў цесным супрацоўніцтве з Рэспублікай Беларусь”, — зазначыў Пушылін. 

Прэс-служба пасольства Беларусі ў Расіі згадвае сустрэчу з Пушыліным, аднак не паведамляе аб падпісанні пагаднення. 

Адзначаецца, што Дзмітрый Крутой правёў шэраг сустрэч на форуме: з губернатарам Санкт-Пецярбурга Аляксандрам Бегловым, кіраўніком Рэспублікі Башкартастан Радзіем Хабіравым, губернатарам Чэлябінскай вобласці Аляксеем Тэкслерам і іншымі.