У Віцебску на пажары загінулі чатыры чалавекі, у тым ліку дзіця

25 снежня, Позірк. У адной з кватэр на вуліцы Партызанскай у Віцебску ў выніку пажару загінулі чатыры чалавекі, паведамляе прэс-служба Міністэрства па надзвычайных сітуацыях.

Адзначаецца, што на выклік ратавальнікі выехалі 25 снежня ў 14:29. “Пры абследаванні кватэры работнікі МНС у адным з пакояў выявілі ў несвядомым стане дзіця і яго маці, а ў суседнім пакоі — гаспадара кватэры і яго жонку, якіх перадалі медыкам”, — гаворыцца ў паведамленні ведамства.

Брыгада хуткай дапамогі канстатавала смерць чацвярых грамадзян. Прычына пажару высвятляецца.

Узрост загінулага дзіцяці не ўдакладняецца.

Гл. таксама:

Колькасць загінулых на пажарах у 2023 годзе знізілася амаль на чвэрць — МНС