Прэстыжны аўстрыйскі універсітэт адкрыў стыпендыяльную праграму для беларусаў пад патранажам Ціханоўскай

20 кастрычніка, Позірк. Універсітэт “MCI — Цэнтр мэнэджмэнту у Інсбруку” (Аўстрыя) запусціў стыпендыяльную праграму для беларусаў пад ганаровым патранажам дэмакратычнага лідара Святланы Ціханоўскай, паведаміў “Позірку” галоўны дарадца палітыка Франак Вячорка.

У межах праграмы беларускія студэнты могуць атрымаць ступень бакалаўра ці магістра па наступных кірунках “бізнес і менеджмент”, “прадпрымальніцтва, турызм і адпачынак”, “біятэхналогіі”, “бізнес-псіхалогія і менеджмент”, “прадпрымальніцтва і турызм”, “экалагічная, тэхналагічная і энергетычная інжынерыя”, “міжнародны бізнес і права”, “міжнародны бізнес і менеджмент”, “міжнародны менеджмент аховы здароўя”, “менеджмент, камунікацыя і ІТ”, “мехатроніка і разумныя тэхналогіі”, “медыцынскія тэхналогіі”.

Колькасць стыпендый не вызначаная, будзе залежыць ад колькасці атрыманых заявак, дэдлайн іх падачы — 31 сакавіка 2024 года.

“MCI — Цэнтр менеджмэету у Інсбруку” спецыялізуецца на падрыхтоўцы спецыялістаў бізнэс- і дзяржаўнага кіравання. 19 кастрычніка Ціханоўская выступіла ва ўніверсітэце, на яе выступ прыйшло  больш за тысячу чалавек.