Хрэнін: Праверка боегатоўнасці арміі — рэакцыя на пагрозы з боку Захаду
26 сакавіка, Позірк. Праверка боегатоўнасці Узброеных сіл праводзіцца ў Беларусі штогод з улікам сітуацыі, якая складваецца вакол краіны, заявіў 26 сакавіка міністр абароны Віктар Хрэнін.
Паводле яго слоў, “выклікі і пагрозы ўзрастаюць”, ад суседніх краін гучыць “ваяўнічая рыторыка”. “Спакойна, вядома ж, да гэтага ставіцца мы не можам, таму што ў свой час вывучылі ўрокі гісторыі. Гісторыі, калі каля нашай мяжы засяроджваліся нямецкія войскі, тэхніка, і чым гэта скончылася”, — сказаў Хрэнін (па відэафрагменце ў тэлеграм-канале Мінабароны).
Праверка боегатоўнасці, дадаў ён, праводзіцца як “рэакцыя на гэтыя дзеянні”. “Хачу падкрэсліць, мы робім гэта для таго, каб навучыць сваіх вайскоўцаў. Палепшыць пытанні баявой і мабілізацыйнай гатоўнасці, павысіць навыкі ў пытаннях дзеянняў на незнаёмых участках мясцовасці”, — адзначыў кіраўнік ваеннага ведамства.
Таму, паводле яго слоў, воінскія падраздзяленні ў рамках праверкі “выйшлі не на палігон, а на рэальны ўчастак, рэальныя маршруты, рэальную мяжу”.
“Для іх створаная абстаноўка такая, што на сённяшні дзень вайны яшчэ няма, і праціўнік толькі да яе рыхтуецца. Мы сваімі дзеяннямі дэманструем рашучасць да абароны сваёй краіны. Мы гатовыя, мы будзем абараняць сваю радзіму”, — падкрэсліў Хрэнін.
Аляксандр Лукашэнка 26 сакавіка падчас інспекцыі месца дыслакацыі вайскоўцаў у Ашмянскім раёне (Гродзенская вобласць) заявіў, што Беларусь і Расія не збіраюцца нападаць на краіны Захаду.
Камандуючы Паўночна-заходнім аператыўным камандаваннем Узброеных сіл Аляксандр Навуменка ў той жа дзень далажыў Лукашэнку аб складаным становішчы, якое мае тэндэнцыю да “нарастання напружанасці”.
Расія і Беларусь рыхтуюць планы выкарыстання ядзернай зброі і бліцкрыг на Вільнюс — Сахашчык (падрабязна)
24 сакавіка, Позірк. Расія і Беларусь рыхтуюць планы выкарыстання ядзернай зброі і “нейкага бліцкрыгу на Вільнюс”, заявіў прадстаўнік Аб’яднанага пераходнага кабінета (АПК) па абароне і нацыянальнай бяспецы Валер Сахашчык, выступаючы 24 сакавіка ў Варшаве на мітынгу, прысвечанаму Дню Волі — …
