13 красавіка, Позірк. Беларуска-кітайскі брэнд “БелДжы” (Belgee) упершыню трапіў у дзясятку самых прадаваных марак на расійскім рынку легкавых аўтамабіляў, паведамляе аналітычнае агенцтва “Аўтастат” (РФ).
У сакавіку 2024 года было рэалізавана 2.732 аўтамабілі (інфармацыя аб продажах у іншыя месяцы не прадстаўлена). Гэта 9-е месца.
Сёння ў Расіі прадаецца толькі адна мадэль “БелДжы” — красовер X50, створаны на аснове Geely Coolray.
Беларуская аўтамабільная асацыяцыя прызнала гэты аўтамабіль лепшым у 2023 годзе ў катэгорыі SUV (ад англ. sport utility vehicle — “спартыўна-утылітарны аўтамабіль”).
На расійскім рынку таксама прадстаўлена кітайская марка Geely (зборка адбываецца ў тым ліку ў Беларусі — на заводзе “БелДжы”). У сакавіку было прададзена 15.004 адзінкі, што забяспечыла ёй 3-е месца ў рэйтынгу продажаў.
Завод “БелДжы” быў адкрыты 17 лістапада 2017 года ў Барысаўскім раёне (Мінская вобласць). Цяпер яго акцыянерамі з’яўляюцца Рэспубліка Беларусь і кітайскія кампаніі Zhejiang Jirun Automobile, CITICC International Investment Limited, Shenzhen Shentou Investment.
