Хрэнін адправіўся з візітам у ААЭ, каб падпісаць “пагадненне аб ваенным супрацоўніцтве” — Мінабароны

12 лістапада, Позірк. Міністр абароны Віктар Хрэнін адправіўся з візітам у Аб’яднаныя Арабскія Эміраты, паведаміў у “Твітары” яго памочнік, начальнік дэпартамента міжнароднага ваеннага супрацоўніцтва Валерый Равенка.

“У рамках візіту прадугледжаныя перамовы з дзяржаўным міністрам у справах абароны ААЭ і падпісанне пагаднення аб вайсковым супрацоўніцтве”, — напісаў Равенка.

У кастрычніку Хрэнін наведваў Кітай, дзе правёў шэраг сустрэч і ўдзельнічаў Сяншаньскім форуме.

Падчас візіту кіраўніка ведамства ў Тэгеран 31 ліпеня быў падпісаны мемарандум аб ваенным супрацоўніцтве Беларусі і Ірана.