Еўрапейскі савет асудзіў ваенную падтрымку Беларуссю агрэсіўнай вайны Расіі

15 снежня, Позірк. Еўрапейскі савет ў сваіх заключэннях па пытаннях Украіны, пашырэння і рэформаў, прынятых па выніках першага дня саміту ў Брусэлі, асудзіў “ваенную падтрымку, якая працягваецца, агрэсіўнай вайны Расіі з боку Ірана, Беларусі і КНДР”.

Адзначаецца, што “Еўрапейскі саюз поўны рашучасці яшчэ больш аслабіць здольнасць Расіі весці агрэсіўную вайну, у тым ліку шляхам далейшага ўзмацнення сваіх санкцый, а таксама шляхам іх поўнага і эфектыўнага ажыццяўлення і прадухілення іх абыходу, асабліва ў адносінах да тавараў высокай рызыкі. , у цесным супрацоўніцтве з партнёрамі і саюзнікамі”.

Таксама Еўрапейскі савет паўтарыў свой “настойлівы заклік да Расіі і Беларусі неадкладна забяспечыць бяспечнае вяртанне ва Украіну ўсіх незаконна дэпартаваных і перамешчаных украінскіх дзяцей і іншых грамадзянскіх асоб”.

Пасяджэнне Еўрапейскага савета — вышэйшага палітычнага органа Еўрасаюза, у які ўваходзяць кіраўнікі дзяржаваў і ўрадаў краінаў — сябраў ЕС, праходзіць 14–15 снежня. У згаданым дакуменце ў ліку іншага заяўляецца аб пачатку перагавораў па ўступленні ў ЕС Украіны і Малдовы, а таксама прадастаўленні Грузіі статусу краіны — кандыдата на ўступленне ў Еўрапейскі саюз.

Беларускі дэмакратычны лідар Святлана Ціханоўская павіншавала згаданыя краіны з названым рашэннем Еўрапейскага савета.