24 снежня, Позірк. У 2023 годзе мінімум 125 чалавек было затрымана пасля вяртання ў Беларусь з-за мяжы, паведамляе праваабарончы цэнтр “Вясна”.
Большасць з іх затрымана пасля праверкі змесціва мабільных тэлефонаў супрацоўнікамі КДБ або мытні. Вядома, што пазней вялікая частка з іх былі прыцягнутыя да адміністрацыйнай адказнасці за “распаўсюд экстрэмісцкіх матэрыялаў” (арт. 19.11 КаАП).
“Часцей за ўсё затрымліваюць пасля вяртання з Літвы, але праверкі і затрыманні адбываюцца на усіх працуючых прапускных пунктах — у тым ліку часта затрымліваюць і пасля праверак на мяжы з Расіяй”, — адзначаюць праваабаронцы.
Таксама вядомы выпадкі ўзбуджэння крымінальных спраў і прысудаў ў дачыненні да тых, каго затрымалі.
